Inspektorati Shtetëror i Punës (i njohur si Inspektorat i Punës) funksionon në përbërje të Ministrisë së Punës dhe Politikës Sociale dhe për punën e tij përgjigjet drejtpërdrejt para Ministrit të Punës dhe Politikës Sociale.
Inspektorati i Punës vepron në territorin e Republikës së Maqedonisë përmes rrjetit të vendosur të inspektorëve, edhe atë
71 inspektorë për marrëdhënie pune dhe plus 11 inspektorë të integruar për marrëdhënie pune dhe mbrojtje në punë dhe
38 inspektorë për siguri dhe shëndet në punë.
Në kuadër të Inspektoratit Shtetëror të Punës funksionojnë katër sektorë:
- Sektori për mbikëqyrje inspektive nga sfera e marrëdhënieve të punës
- Sektori për mbikëqyrje inspektive nga sfera e sigurisë dhe shëndetit gjatë punës
- Sektori për veprimtari normative për siguri dhe mbrojtje në punë
- Sektori për koordinim
Sektori për mbikëqyrje inspektive nga sfera e marrëdhënieve të punës
Тel: 02/ 3 296 320 и 3 116 110
Në sektorin për marrëdhënie pune kryhen mbikëqyrje inspektive nga sfera e legjislacionit të punës. Po ashtu, sektori ka për obligim të kryejë mbikëqyrje inspektive te punëdhënësit për mënyrën e zbatimit të ligjeve dhe dispozitave tjera nga sfera e legjislacionit të punës, marrëveshjeve kolektive dhe marrëveshjeve për punë.
Në kompetencat tjera të sektorit për marrëdhënie pune pranë Inspektoratit Shtetëror të Punës bëjnë pjesë: monitorimi i zbatimit të dispozitave të Ligjit për grevë, përgatitja dhe miratimi i akteve administrative në procedurë gjatë kryerjes së mbikëqyrjes, përgatitja e aktpadive penale dhe atyre për kundërvajtje.
Sektori për mbikëqyrje inspektive nga sfera e sigurisë dhe shëndetit gjatë punës
Тel: 02 3 116 110
Sektori për mbrojtje gjatë punës në Inspektoratin Shtetëror të Punës ka për obligim kryerjen e punëve nga sfera e mbrojtjes në punë, posaçërisht kryerjen e mbikëqyrjes te punëdhënësit për plotësimin e kushteve HTP, përgatitjen dhe parashtrimin e kërkesës për ngritjen e aktpadive penale dhe për kundërvajtje.
Sektori për mbrojtje në punë i evidenton lëndimet e paraqitura në punë, jep pëlqim për kushtet e plotësuara për mbrojtjen në punë, kryen këqyrje në vendin e ngjarjes, respektivisht inspektim në objektet dhe hapësirat afariste ku kryhet veprimtaria dhe kontrollon dokumentacionin, aktet e përgjithshme dhe dokumentet tjera.
