Mosparaqitja e punëtorëve, respektivisht punësimi në të zezë e stimulon ekonominë e zezë. Ekonomia e zezë e mbyll konkurrencën e firmave dhe individëve dhe paraqet përparësi jo të drejtë dhe joligjore për ata që nuk i plotësojnë obligimet ligjore. Ekonomia e këtillë e ndërpret zhvillimin e shtetit dhe e pengon përparimin e ekonomisë.

Puna në të zezë krijon konkurrencë jolojale, e dëmton biznesin dhe punëdhënësit e ndërgjegjshëm që kujdesen për punëtorët e tyre. Si pasojë e kësaj, nuk mbushen fondet shëndetësore, pensionale dhe sociale, në dëm të të gjithë qytetarëve të Republikës së Maqedonisë.

Së bashku ta parandalojmë punësimin në të zezë, të mbrojmë punëdhënësin e mirë nga konkurrenca jolojale dhe t’u ofrojmë siguri të gjithë të punësuarve. Në këtë mënyrë fitojnë të gjithë – punëtorët nuk duhet të brengosen për sigurinë e tyre, biznesi shkon përpara, kurse së bashku me të zhvillohet edhe ekonomia.