Почетна › ЧЕСТO ПОСТАВУВАНИ ПРАШАЊА
ПРАШАЊА
од областа Безбедност и здравје при работа
П:
Дали работодавецот е должен да го извести писмено органот на државната управа надлежен за работа на инспекција на труд, за започнување со вршење на дејност?
O:
Да должен е, во рок од 8 дена пред започнување со дејноста.
П:
Дали изведувач на градежни објекти е должен да го извести писмено органот на државната управа надлежен за работа на инспекција на труд, за започнување со градежни работи?
O:
Да должен е, писмено да извести пред започнување со градежните работи, за видот на градежни работи и местото на кое ќе се работи.
П:
Дали секој работодавач мора да изготви и спроведе изјава за безбедност?
O:
Да мора да изготви и спроведе за секое работно место, а врз основа на спроведена проценка на ризик.
П:
Дали работодавецот мора да обезбеди здравствени прегледи за вработените?
O:
Да мора, најмалку на секои 18 месеци.
П:
Дали работодавецот треба да има обучен работник за давање прва помош, гасење пожар, евакуација и спасување?
O:
Да должен е, за секое работно место и во работни простории во кои истовремено работат до 20 вработени, најмалку по еден од нив да биде оспосособен, а над овој број на секои 20 вработени најмалку уште по еден.
П:
Дали работодавецот е должен да го извести писмено органот на државната управа надлежен за работа на инспекција на труд за повреда на работа?
O:
Да должен е во рок од 48 часа од настанувањето на повредата.
ПРАШАЊА
од областа Работни односи
П:
До кога работодавецот треба на вработените да им исплати плата за изминатиот месец?
O:
Најдоцна 15 дена по изминување на месецот.
П:
Дали работодавецот може да им наложи на работниците да работат на празници?
O:
Работодавачот може да предвиди работа на празници, а затоа на работниците да им исплати плата во зголемен износ согласно колективниот договор.
П:
Во текот на неделата, колку можат да работат работниците прекувремено?
O:
Најмногу 8 часа.
П:
Колку денови годишен одмор му следува на работникот?
O:
Работникот има право на годишен одмор од најмалку 20 денови..
П:
Поднесов барање за престанок на работниот однос, а работодавецот не ме одјавува?
O:
Ако работникот писмено изјави дека сака да му престане работниот однос,отказниот рок е 30 дена, ако во договорот за вработување (или колективен договор) не е предвиден друг отказен рок. Отказниот рок во било кој случај не смее да биде подолг од 3 месеци.
| 
